Sunday, April 28, 2013

मेरा मागहरु

छन्छन् चुराहरुले बिहानीमा तिमीलाई जगाउन पाउँ ।
भिजेका केश, तप्प चिसो पानी निन्द तिम्रो भगाउन पाउँ ।

सिउँदोमा सिन्दुर, गलामा पोते प्रिये तिम्रो नामको,
ति भन्दा पनि मायाप्रिती तिमीसित लगाउन पाउँ ।

मुटु भित्र माया लुकाई रिस र घुर्की देखाउँला म,  
कहिले तिमी फकाउनु कहिले म फकाउन पाउँ ।

भाक्ने छैन देवीदेउता हरेक जुनी तिमीलाई पाउन,
लुटपुटीदै तिमीसँगै यो एउटा जिवन कटाउन पाउँ । 

साथमा यात्रा गर्दै हिड्दा कहिले दुःख, कहिले सुख,
मिलेर सुख भोगौला, दुखमा नि आँशु बगाउन पाउँ ।

दिन सकु साथ तिमीलाई तिमीले चाहे भन्दा धेरै,
सम्बन्ध यो नाजुक नहोस हर संकटमा सघाउन पाउँ ।


तिमी गयौ सबथोक गयो

तिमी गयौ कसैलाई खबरै नगरी, जाँदाजाँदै चैनका प्रहर लग्यौ ।  आफ्नाहरुको माझमा, हाँस्ने खेल्ने रमाउने, सपना र रहर लग्यौ ।  ...