Wednesday, January 27, 2016

दुई शब्द !!
















दुई शब्दले याहाँ कसैको जिन्दगी बचाउँछ । 
दुई शब्दले नै छातिभित्र तिखो छुरा धसाउँछ । 

छुटीसकेका हातहरु, टुटीसकेका पुराना साथहरु,
दुई शब्द न्यानोले खस्किएको सम्बन्ध कसाउँछ । 

दुखेको मन, थाकेको बदन अनि रोइरहेका नयन,
दुई शब्दले आँशुमा रुझेका आँखाहरु हसाउँछ । 

बाचाकसमका सुन्दर सुन्दर मालाहरु गासेँ पनि,
दुई शब्दले मुक्ति दिन्छ र दुई शब्दले फसाउँछ । 

बाहिरी आवरण जतिसुकै राम्रो होस या कुरुप, 
दुई शब्दले उस्को नियत गन्हाउँछ या बसाउँछ । 

कसैको तितो दुई शब्द प्रहारले मरिसकेका सपना, 
अर्कोको मिठो दुई शब्दले, सपना फेरी जगाउँछ । 

हासों खुसी, प्रेम र घृणा बस दुई शब्दको खेल,
दुई शब्दले चैन दिन्छ, दुई शब्दले चैन भगाउँछ । 

तिमी गयौ सबथोक गयो

तिमी गयौ कसैलाई खबरै नगरी, जाँदाजाँदै चैनका प्रहर लग्यौ ।  आफ्नाहरुको माझमा, हाँस्ने खेल्ने रमाउने, सपना र रहर लग्यौ ।  ...