सम्झेर मात्र मायालुलाई नपुग्ने रहेछ मायामा ।
बाहिरी चोट जत्रो भए नि नदुख्ने रहेछ मायामा।
कसैलाई पत्तै नदिई खुसुक्क प्रिती गासें पछि,
रहस्य जति छोपे पनि नलुक्ने रहेछ मायमा ।
दुईटा मुटु बाध्नलाई लहरा डोरी केही नचाहिने,
कस्सिए पछि एकपटक नफुक्ने रहेछ मायामा ।
तगारो अनेक तेर्साई रोक्न खोज्छन् प्रेमका दुश्मन,
पहाड नै खसे पनि शिर, नझुक्ने रहेछ मायामा ।
मिलनमा, बिछोडमा, दुखमा, सुखमा, अनि यादमा
आँशु जति नै बगाए पनि नसुक्ने रहेछ मायामा ।
बिद्रोह कतिकति परिवार, आफन्तहरु र समाजको,
भरोसामा अडिएको सम्बन्ध नरुक्ने रहेछ मायामा ।
