आउनु मेरो छेउमै बस्नु, मेरा थकान दुर हुनेछन् ।
मुस्कुराउँदै एक नजर हेर्नु, रिस चकनाचुर हुनेछन् ।
फकाउनेछु म पनि, अनेक रंग देखाउँदै तिमीलाई,
जब रिस,क्रोध र आवेशले तिम्रा गति क्रुर हुनेछन् ।
त्यो मनमा प्यार होस्, सम्मान गर्ने संस्कार होस्,
तिमीले देको पत्थर पनि मेरा लागि कोहिनूर हुनेछन् ।
भो कबि बन्न पर्दैन तिमी, न गित गुन्गुनाउनु पर्छ,
प्रेमको भाषा बोल्नु तिमी, त्यही मिठो सुर हुनेछन् ।
भोकाएको तिमी थाकेकी म, मिलिजुली गरौंला काम,
हाम्रो भान्छामा कहिले खिचडी, कहिले तन्दुर हुनेछन् ।
साना–साना खुसी समेट्दै, जिन्दगी हामी बिताउँला,
तिमी बिनाका पल मेरा, झुर भन्दा नि झुर हुनेछन् ।
राष्ट्रियता, जात, उमेर, उचाई र दुरीको के कुरा,
तिम्ले चाहे, मैले चाहे, सब्ले मान्न मजबुर हुनेछन् ।
