हामी एक हुन सक्दैनौ

थाहा छ मलाई, म तिमीलाई अब पाउँन सक्दिन।

तर पनि खै किन यो मनलाई सम्झउन सक्दिन।

तिमी मेरो सपना, तिम्रो सपना अरु कोही होला,
जे गरे नि तिमीलाई मेरो नजिक ल्याउन सक्दिन।

फुर्सद पायो कि यो मन कल्पनामा हराउन थाल्छ,
क्षणभरको मेरो कल्पना वास्तवीक तुल्याउन सक्दिन।

कहिलेकाही त तिम्रो यादले तर्कनाका भेल पठाउछन्,
छेक्न खोज्छु मनका बाधँहरु आत्एिर भ्याउन सक्दिन।

छुन नसके नि गगनलाई जाहासुकैबाट देख्न सकिन्छु,
छुन त परै देख्न नि अब, तिम्रो सामु आउन सक्दिन ।

छैन अत्तोपत्तो तिमीलाई, लुकेर तिमीमा डुबुल्किन्छु,
सपनाको हो त्यो मिठास्, बिपनामा रमाउन सक्दिन।

जिवनको अन्तिम प्रहरसम्म संघर्ष जति नै गरे पनि,
सबथोक प्राप्त गरुँली तर तिमीलाई कमाउन सक्दिन।