तिमी मेरो मस्तिष्क आत्मा अनि शरीरमा ।
आत्मा चुँडी शरीरलाई उनि गयौ झिरमा ।
आउँथ्यौ तिमी सपनीमा कल्पना र सम्झनामा,
भगवान सरी पूजा गरी राखेकैथॆं शिरमा ।
कति कठोर मुटु तिम्रो ढुंगा भन्दा पनि साह्रो,
खुशी हुन खोज्दै थिएँ हालिदियौ पिरमा ।
स्वर्ग मैले पाएकीथंे तिमीलाई भेटेपछि,
छलगरी पारीदियौ चोटैचोटको जंजीरमा ।
सुनसान यो जीवनमा एक्लोपना थपिदियौ,
बोलायौ कि जस्तो लाग्छ मन छैन थिरमा ।
