ओइ, तिमी काहा छौ आजभोलि?
न कुनै खबर, न कुनै सन्देश,
के पर्यो त्यस्तो, जसले तिमीलाई यति टाढा लग्यो?
शब्दहरू बोझिला भए कि मौनता नै सजिलो लाग्यो?
केही त भन्न खोज्छौ होला तिमी पनि,
तर किन शून्यताले छोपी राख्छौ आफूलाई?
कहिलेकाहीँ लाग्छ, तिमी आफैलाई हराइसक्यौ,
खोज्छु फेसबुक, ट्विटर, टिकटक अनि इन्स्टाग्राममा,
तर तिमी केवल देखा पर्छौ सपनामा,
म प्रत्यक्ष कुरा गर्न खोज्छु, तिमी आउँछौ केवल सम्झनामा।
के मैले केही गल्ती गरे?
या समयले नै हाम्रो बाटो मोडिदियो?
तिमी उस्तै छौ या बदलियौ?
तिम्रो हाँसो उस्तै छ कि ओठमा मौनता छाएको छ?
कि डराउँछौ र एउटा ‘हाइ’ भन्नलाई,
यो इन्टरनेटको जमानामा पनि?
तिमी ‘हाइ’ भन्नु, म बोलौँला ‘हेल्लो’ भनी।
भो अब धेरै लुकामारी नखेल,
यो खबर पाउनासाथ एउटा म्यासेज ठेल।
