Tuesday, March 27, 2012

ऊ र तिमी उस्तै

आँसु पुछ्न आएथ्यौ तिमी अझै आँसु बढाएर गयौ ।
खाटा बसेको पुरानो घाउमा नुन्चुक् चढाएर गयौ ।

खुशी हुँदै बाँच्न मैले तिमीसँग सहारा मागें,
सवै चिज खोसेर मेरो प्राणमा मात्र अडाएर गयौ ।

सपनाको बृक्ष मेरो टेको नपाई ढल्कन खोज्दा,
साथ दिने वाचा गरी बृक्षलाई नै लडाएर गयौ ।

मुटु मेरो धेरै अघि छिया छिया परिसकेथ्यो,
मल्हम भर्ने वाहाना गरी भाला अर्को गढाएर गयौ ।

स्वार्थी थियो ऊ अनि स्वार्थी नै रहेछौ तिमी पनि
जे होस मलाई रुवाउनेहरु राम्रो पाठ पढाएर गयौ ।

खाटा बसेको पुरानो घाउमा नुन्चुक् चढाएर गयौ ।
आँसु पुछ्न आएथ्यौ तिमी अझै आँसु बढाएर गयौ ।

No comments:

Post a Comment

तिमी गयौ सबथोक गयो

तिमी गयौ कसैलाई खबरै नगरी, जाँदाजाँदै चैनका प्रहर लग्यौ ।  आफ्नाहरुको माझमा, हाँस्ने खेल्ने रमाउने, सपना र रहर लग्यौ ।  ...