Wednesday, May 30, 2012

भिन्नता !!!

तिम्रो मेरो सब चिज फरक झनै फरक कुल भयो । 
तिमीलाई चाहानु नै सायद मेरो ठूलो भूल भयो । 

गुलावको रातो फुल मायाप्रेमको प्रतिक भन्छन् । 
तर मेरो प्रेमको प्रतिक पलासको फूल भयो । 

यी आँखामा हिजोसम्म अनेक खुशी नाचिरहन्थे । 
यिनै आँखा आज आइ आँसु फुट्ने मुल भयो । 

दुःखको समुन्द्रमा चुर्लुम्म तिमी डुबेको बेला
तारिदिने जीवन यो आज भत्किएको पुल भयो । 

बितेका ति दिनहरुमा गरिएका मिठा ठट्टाहरु,
तिनै ठट्टा आज मेरा निम्ति पश्चात्तापको हुल भयो । 

भुल्ने प्रयत्न गरिरहन्छु तिमीले दिएका चोटहरुलाई
तर कहिल्यै पनि बिसेक नहुने अदृष्य शुल भयो ।

1 comment:

तिमी गयौ सबथोक गयो

तिमी गयौ कसैलाई खबरै नगरी, जाँदाजाँदै चैनका प्रहर लग्यौ ।  आफ्नाहरुको माझमा, हाँस्ने खेल्ने रमाउने, सपना र रहर लग्यौ ।  ...