Wednesday, May 1, 2013

तिम्रो दोहोरो चरित्र !

मेरो बाटो बन्द गरी तिम्रो बाटो फुकाएछौ ।
आफ्नो मन खुसी पार्न मेरो मन दुखाएछौ ।

तिमी आयौ जिन्दगीमा अहोभागी भए म,
तर तिम्ले मेरो शिर नराम्ररी झुकाएछौ ।

बाचेकै थे पहिले पनि आशुँकै साहारामा,
यति धेरै रुवायौ तिमीले गह नै सुकाएछौ ।

मेरा सबै आफन्तलाई प्रेमी भनि चिनाएं,
तर तिम्ले सधै मलाई पर्दा भित्र लुकाएछौ।

बचन तिम्रो पाएरै त प्रतिक्षामा बसेकी थे,
फस्ल्यांगफुस्लुंग पारेर ब्यर्थैमा पो ढुकाएछौ ।

मान्नै पर्छ तिम्रा ति चरित्र र साहासलाई,
जितेर पहिले मेरो मुटु अनि फेरी फुटाएछौ । 

1 comment:

  1. Nice one pavi ji... liked ur posts.... lekhdai garnu hola... here's mine too... http://ztenbi.blogspot.com

    ReplyDelete

तिमी गयौ सबथोक गयो

तिमी गयौ कसैलाई खबरै नगरी, जाँदाजाँदै चैनका प्रहर लग्यौ ।  आफ्नाहरुको माझमा, हाँस्ने खेल्ने रमाउने, सपना र रहर लग्यौ ।  ...