तिमीलाई

अरुलाई एउटा शब्द तिमीलाई सिङ्गो गाना दिउँला ।
चिम्टि माया अरुलाई तिमीलाई हजार माना दिउँला ।

मनैदेखी तिमी पनि चाहन्छौ यदि मलाई भने,
चाहना त्यो ब्यक्त गर्ने थरीथरी बाहना दिउँला ।

मेरा निम्ति पत्र कोर्न मैसगँ कागज माग तिमी,
अरुलाई छैन भनी तिमीलाई सादा पाना दिउँला ।

गर्छु बाचा सम्बन्ध यो हुनेछैन कमजोर कहिल्यै,
जिवनभरको लागि पुग्ने भरोसाको छाना दिउँला ।

विस्वास गरी मलाई तिमी सेवा गर्ने मौका देउ,
तिर्खा लाग्दा पानी अनि भोकमा मिठो खाना दिउँला ।

त्यती मात्र कहाँ होर मेरो हजुर तिमीलाई म,
कहिले मादक मुस्कान त कहिले आशुँ दाना दिउँला ।